Friday, September 5, 2014

Habit 1: Be Proactive

Steven Covey က ထိရောက်အောင်မြင်သူများရဲ့ အကျင့်ခုနစ်ချက်ကို Be Proactive ဆိုတာနဲ့ စထားတယ်။ Proactive ဆိုတဲ့စကားတစ်လုံးက အတော်တာသွားတယ်။ ခိုင်းတဲ့ထိမစောင့်ဘဲ ကိုယ်လုပ်ရမယ့် အလုပ်တွေကို ကိုယ့်အသိစိတ်နဲ့ ကိုယ်လုပ်တာမျိုး၊ ပြသနာဖြစ်မှ ဖြေရှင်းတာမျိုး မဟုတ်ဘဲ ကြိုတင်ပြင်ဆင်တဲ့ သဘောမျိုးတွေကို ဆိုလိုတာပါ။ Proactive ဆိုတာက အလုပ်နဲ့ ပါတ်သက်မှမဟုတ်ပါဘူး နေ့စဉ်သာမန်ကိစ္စလေးတွေမှာလည်း အရေးပါပါတယ်။ ဥပမာ မိုးလည်းမိထား ကိုယ်လက်လည်း မအီမသာဖြစ်နေလို့ နေမကောင်းဖြစ်တော့မှာပဲ ဆိုပြီး ဆေးသောက်ထားလိုက်တာ နောက်နေ့မှာ မဖျားတော့ပဲ သာမန်အတိုင်း ကျန်းကျန်းမာမာ နေနိုင်တာမျိုး ကနေစလို့ စက်ပစ္စည်းတွေကို ကြံ့ခိုင်ရေးမှန်မှန်လုပ်လို့ ကြာကြာပိုခံတာ၊ လမ်းတံတားလိုအခြေခံ အဆောက်အဦးတွေကို အချိန်မှန်မှန် သေသေချာချာ စစ်ဆေးပြုပြင်လို့ ခရီးသွားလာသူများ အန္တရယ်ကင်း တာတွေအထိ အကုန်ပါပါတယ်။ ဒါတွေကို ပြောင်းပြန်ဘက်ကနေကြည့်ရင် ဘုရင့်ယောက်ဖ ခွေးကြည့်ခိုင်းသလို ဆိုတဲ့စကားအတိုင်း တစ်ခါမေးတစ်ခါပြေးကြည့်ဆိုတာမျိုး၊ ဒီတစ်ပုဒ်တော့ ပါမှာပဲလို့ ထင်နေရဲ့နဲ့ သေသေချာချာ မကြည့်ဖြစ်လို့ မေးခွန်းထဲမှာ ပါလာတော့ မဖြေနိုင်တာမျိုး (ဒါကတော့ ကိုယ်တိုင်ခဏခဏ ကြုံဘူးတယ်)၊ မစားဖြစ်ရင်ကောင်းတယ်လို့ သိရဲ့နဲ့ စိတ်မထိန်းနိုင်လို့ အရသာပြင်းထန်တဲ့ အစားအသောက်တွေ များများစားပြီး သွေးတိုးရတာမျိုး စသည်ဖြင့်ပေါ့လေ။ တကယ်က အောင်မြင်ချမ်းသာစေတဲ့ အလေ့အကျင့် ဆိုတာတွေက အကြီးကြီးတွေမဟုတ်ဘူး နေ့စဉ်လုပ်နေကျ ကိစ္စသေးသေးလေးတွေကို မှန်မှန်စနစ်တကျ လုပ်သွားတာပဲ ဆိုတဲ့ အခြေခံသဘောကို သိဖို့လိုပါတယ်။

No comments: