ဖေဖေါ်ဝါရီလ (၁၄) ရက်နေ့ မနက်မှာ ဆရာတော်ထံကို အလျှင်းသင့်သလို ထည့်ဝင်ကြတဲ့ အလှူငွေ SGD 465 နဲ့ ဇန်န၀ါရီ၊ ဖေဖေါ်ဝါရီ၊ မတ်လများ အတွက် လစဉ် ထည့်ဝင်ကြတဲ့ အလှူငွေ သုံးလစာ SGD 180 (မြန်မာငွေ ၄၅၄,၇၂၅ ကျပ်) ကို ကိုယ်တိုင် ထည့်ဝင်နေကျ ဆရာတစ်ယောက် လစာငွေ ဖေဖေါ်ဝါရီ၊ မတ်လ အတွက် ကျပ်လေးသောင်း နဲ့ အတူ လှူဒါန်းခဲ့ပါတယ်။
ဖေဖေါ်ဝါရီလ (၁၄) ရက်နေ့ ဆုတောင်းပြည့်ကျောင်းကို အလှူငွေ သွားလှူစဉ်က ကျောင်းဆောင်အဟောင်းကနေ အသစ်ကို ပြောင်းရွှေ့  ထားတဲ့ ကျောင်းအိပ်ကျောင်းစား နေတဲ့ မိန်းကလေးများရဲ့ အိပ်ဆောင်ကိုဝင်ကြည့် ဖြစ်တော့ အရင်ကထက်စာရင် အများကြီး သန့်ရှင်း သပ်ရပ်နေတာကို တွေ့ခဲ့ရပါတယ်။
လူငယ်လေးတစ်စု အ၀တ်အစားတွေ လာရောက်လှူနေတာတွေ့လို့ မှတ်တမ်းတင်ဓါတ်ပုံ ရိုက်လာခဲ့သေးတယ်။ နာဂစ်(စ်) ပြီးတဲ့ နောက်မှာ လူတွေ လူမှူရေးအသိ (ကိုယ်လည်း တစ်ပိုင်တစ်နိုင် တတ်နိုင်သလောက် သူများကို ကူညီလို့ ရတယ် ဆိုတဲ့ အသိ) နဲ့ လူမှုရေး လုပ်ငန်းလေး တွေ ပိုလုပ်လာကြတာကို လည်း သတိထားမိခဲ့တယ်။
ဆရာတော်ဆီက ကြားနာခဲ့ရသလောက် ဆရာတော်က ကျောင်းသားဦးရေ (၅၀၀) ထိ တိုးပြီးလက်ခံလိုကြောင်း၊ အတန်းပညာ အသင့်အတင့် တတ်ပြီးတဲ့ ကလေးတွေကို ကွန်ပြူတာ ဒီဇိုင်းလို စက်ချုပ်ပညာလို လက်မှုလုပ်ငန်း လေးတွေ သင်ပေး လိုကြောင်းတွေ လည်းသိခဲ့ရပါတယ်။ နွေရာသီမှာ အတန်းကြီး ကလေးများအတွက် အင်္ဂလိပ်စာ သင်ပေးဖို့ စီစဉ်ပေးချင်သော်လည်း သံလျှင်ဆိုတော့ သွားရေးလာရေး နည်းနည်းခက်လို့ မစီစဉ်ပေးနိုင်ခဲ့ပါဘူး။
ဖေဖေါ်ဝါရီလ (၁၄) ရက်နေ့ အတွက် လှူဖို့ စီစဉ်ပြီးတဲ့ နောက်မှာမှ ကောက်ခံရရှိတဲ့ အလှူငွေ (ယနေ့ ဧပြီလ ၄ ရက်နေ့ထိ) SGD 195 ရှိပါပြီ။ ဧပြီလကစပြီး လစဉ်အလှူငွေထည့်ဝင်မယ့် အလှူရှင် အသစ်သုံးဦးလည်း ရှိပါတယ်။ မေလလယ် လောက်မှာ နောက်ထပ်တစ်ခါ လှူဒါန်းနိုင်ဖို့ ကြိုးစားနေပါတယ်။ မွေးနေ့၊ နှစ်ပါတ်လည် နဲ့ အခြား အကြောင်းများအတွက် အလှူဒါန ပြုလိုကြရင် မစိမ့် masaint@gmail.com ကို ဖြစ်ဖြစ်
ဆရာတော် ဦးနန္ဒ၀ံသ (၁၂/သလန (သ)၀၀၀၄၃၉ )
ဆုတောင်းပြည့် ပရဟိတ ကျောင်း
ဘုရားကုန်းလမ်းဆုံ
သံလျှင်မြို့  ကိုတိုက်ရိုက် ဆက်သွယ်ပြီးတော့ ဖြစ်ဖြစ် လှူဒါန်းနိုင်ကြပါတယ်။
1 comment:
Dear ma saint,
Be happy & healthy.
You can do more and more like that.
Thar du , thar du , thar du.
Post a Comment