အမျိုးသမီးတစ်ယောက်ရဲ့  ပုံတူကား

The Portrait of a Lady ရုပ်ရှင်ကြည့်ပြီး စိတ်ထဲမှာ အတွေးပေါင်း များစွာ စွဲကျန်နေခဲ့တယ်။ လွတ်လပ်မှုကို ခုံမင်သူ တစ်ယောက် မသိတောင် မသိလိုက်ဘဲ အိမ်ထောင်မှု ကျော့ကွင်းမှာ တုတ်နှောင်ခံလိုက် ရတဲ့အဖြစ်။ လက်ထပ် ခွင့်တောင်းသူ နှစ်ယောက် နှစ်အတော်ကြာမှာ သူတို့တောင်းဘူးတဲ့ လက်ထပ်ခွင့်ကို ဘယ်လို သဘောထားသလဲ။ ဘာတစ်ခွန်းမှ မပြောဘဲ တစ်သက်လုံး ဖြည့်ဆည်းသွားတဲ့ အချစ်။ "As quiet as possible" နေဖို့ ကြိုးစားပါတယ် ဆိုတဲ့သူ၊ ဇနီး နဲ့ သမီးကို လူကို သာမက ၀ိဥာဉ်ကိုပါ ချုပ်ကိုင်ထားဖို့ ကြိုးစားတဲ့ သူ၊ တစ်ကိုယ်ကောင်းဆန် အတ္တကြီးတဲ့သူ တစ်ယောက်အကြောင်း။ နောက်ဆုံးမှာ ကြည့်သူကို ကြိုက်သလို တွေးခွင့်ပေးပြီး အဆုံးသတ်ထားတဲ့ ဇာတ်လမ်း။ အို အများကြီးပဲ။

ရုပ်ရှင်ခေါင်းစဉ်ကို ပြောင်းခွင့်ရမယ်ဆိုရင် The Portrait of a Lady ကနေ The Portrait of a Freedom Seeker လို့ ပြောင်းကြည့် ချင်တယ်။ ဘာလို့လဲဆိုတော့ အမျိုးသမီး တွေသာမဟုတ် လွတ်လပ်စွာတွေးခေါ်လိုသူ ဘယ်သူမဆိုမှာ ဒီအဖြစ်မျိုး ဖြစ်နိုင်တာပဲလို့ တွေးမိလို့ပါ။ ဇာတ်လမ်းထဲမှာ Isabel Archer (Nicole Kidman) ကလွတ်လပ်ခွင့် မဆုံးရှုံးချင်လို့ ဆိုတဲ့ အကြောင်းပြချက်နဲ့ လက်ထပ်ခွင့်တောင်းတဲ့ Lord တစ်ယောက်နဲ့ သူဋ္ဌေးသားတစ်ယောက်ကို ငြင်းခဲ့ပါတယ်။ သူ့ကိုချစ်တဲ့ သူ့အကိုဝမ်းကွဲ Ralph ရဲ့  အကြံကို လက်ခံပြီး Raoph ရဲ့အဖေက Isabel ကို အမွေပေးခဲ့လို့ လွတ်လွတ်လပ်လပ် ပျံသန်းချင်တဲ့ Isabel တစ်ယောက် ကမ္ဘာတစ်လွှား ခရီးတွေ သွားနိုင်ခဲ့တယ်။

Isabel ဟာ စန္ဒယား အတီးကောင်းတဲ့၊ ထက်ထက်မြက်မြက် ရှိပုံပေါ်တဲ့ Madame Merle ကို တော်တော်သဘောကျပါတယ်။ Madame Merle ကမိတ်ဆက်ပေးလို့ သိရတဲ့ Gilbert Osmond က လက်ထပ်ခွင့်တောင်းတာကို လက်ခံလိုက်ပါတယ်။ လူတွေက Gilbert ဟာ အတ္တကြီးတဲ့သူ၊ Isabel ကို အမွေရထားတဲ့ ငွေတွေကို လိုချင်လို့ လက်ထပ်တာပါလို့ ပြောကြပေမယ့် Isabel ကတော့ သူ့ယောက်ျားကို not rich, no title, no honour but he has the gentlest, kindest, lightest spirit ဆိုပြီး မျက်စေ့မှိတ်ပြီး လက်ထပ်ခဲ့ပါတယ်။

ဒီနေရာမှာ တော်တော်ကို တွေးမိပါတယ်။ အာဏာတွေ ငွေတွေကို ထားခဲ့ပြီး လွတ်လပ်မှုရှာတဲ့ သူက ကိုယ့်ကို ထောင်ချောက်ထဲမှာ ထားဖို့များတဲ့သူ ကို ဘာတွေများ ကြိုက်သွားပါလိမ့်လို့ သေသေချာချာ စေ့စေ့စပ်စပ် ကြည့်မိတယ်။ Gilbert က ပန်းချီဆွဲတဲ့ အနုပညာ သမားပါ။ အနုပညာနဲ့ပါတ်သက်ရင် အကောင်းကို နားလည်တယ်။ အကောင်းကြိုက်တတ်တယ်လို့ ယူဆရပါတယ်။ ဒါတွေက Isabel ကိုဆွဲဆောင်နိုင်တဲ့ အဓိကအချက်လို့ မထင်မိပါ။ "I offer nothing" "I never try to earn a penny" ဆိုတဲ့ အပြောတွေက Gilbert ဟာ လွတ်လွတ်လပ်လပ် စိတ်ထဲရှိသလို နေတတ်တဲ့သူ လို့ထင်စေပုံရပါတယ်။ စကားလုံး အနည်းဆုံး နဲ့ ဆိတ်ဆိတ်ငြိမ်ငြိမ် နေတတ်တာ ကလည်း Isabel ကိုဆွဲဆောင်တယ်ထင်ပါရဲ့ ။ Freedom/Independence ကို ခုံမင်သူကို Freedom/Independence နဲ့ ဆွဲဆောင် တာပေါ့။ လိုချင်တာတွေအများကြီး မရှိတဲ့ သူဆိုတော့ သူ နှစ်နှစ်ကာကာ လိုချင်တဲ့ လွတ်လပ်မှူနဲ့ မျှားတဲ့အခါ ဘေးလူတွေ ထင်ထင် ရှားရှား မြင်တဲ့ အားနည်းချက်တွေကိုတောင် မမြင်မိတော့ဘူး ထင်ပါရဲ့ ။

ှုIsabel ဟာလက်ထပ်ပြီးတဲ့ အခါ အများကြီး ပြောင်းလဲသွားပါတယ်။ ကိုယ့်စိတ်နဲ့ ကိုယ့်ကို မနေရပဲ ယောက်ျားမျက်နှာပဲ ကြည့်ပြီး ယောက်ျားအလိုကျ အလိုက်အထိုက်နေရတဲ့ဘ၀၊ လင်ပါသမီး ယောက်ျားကောင်းရဖို့ လိုက်ပြီးကြိုးစား ပေးရ၊ ဘာပဲလုပ်လုပ် ယောက်ျား က အလိုမကျလို့ စိတ်ညစ်ရတဲ့ဘ၀ ကို ကြည့်တဲ့သူကိုတောင် စိတ်ကျဉ်းကြပ် စေပါတယ်။

အိမ်ထောင်သည် Isabel ရဲ့ ဘ၀မှာ သူ့ယောက်ျားကို ပထမဆုံး ဆန့်ကျင်ဖြစ်သွားစေတာကတော့ သူ့အကိုဝမ်းကွဲ Ralph ရဲ့  နောက်ဆုံး အချိန်မှာပါ။ Ralph စီစဉ်ပေးတဲ့ အမွေတွေနဲ့ မကြောင့်မကျနေနိုင်တာ ဖြစ်ပေမယ့် Ralph ကို မသေခင်နုတ်ဆက်ချင်တဲ့ Isabel ရဲ့ ဆန္ဒ ကိုတော့ Gilbert က သဘောမတူပါဘူး။ သူတို့လင်မယား နှစ်ယောက်ကလွဲရင် သူတို့အတွက် ဘယ်သူမှ အရေးမကြီးဘူး၊ သူ့အတွက် တော့ Isabel သာလျှင် အနီးစပ်ဆုံး လူသားမို့ သူတို့နေတဲ့ Rome ကနေ ရေခြားမြေခြား အင်္ဂလန်ကို သွားခွင့် မပြုပါဘူးလို့ ပြောတဲ့နေ့ မှာပဲ Gilbert နဲ့ Madame Merle ဟာ (ရ) နှစ် (၈)နှစ် ကြာချစ်သူ ဖြစ်ခဲ့တဲ့ အကြောင်း၊ Gilbert ရဲ့ သမီးအဖြစ် Isabel ချစ်ခင်နေမိတဲ့ Pansy ဟာ Madame Merle ရဲ့  သမီးဖြစ်တဲ့ အကြောင်း တွေကို သိလိုက်ရတော့ Isabel ရင်နာရပါတယ်။ Isabel ကမသိပေမယ့် Gilbert နဲ့ Madame Merle ဟာ ခုထိလည်း ဖေါက်ပြန်နေ ဆဲပါ။

Ralph ကို တွေ့ချင်တဲ့ စိတ်အပြင်၊ အမှန်တရားတွေကို သိလိုက်ရပြီး သူ့ဘ၀ဟာ သူမျှော်မှန်းထားတာ နဲ့ တခြားစီ ဖြစ်နေတာ တွေကို မြင်လိုက်တဲ့ အမြင်သစ်တွေနဲ့ Isabel ဟာ Ralph ဆီကို အရောက်သွား ခဲ့ပါတယ်။ မောဟ ဖုံးလွှမ်းနေရာ ကနေ သတိတရား စ ပြန် ၀င် လာ သလို Gilbert က သူ့ကို ငွေအတွက် လက်ထပ်ခဲ့တာလား လို့ အခုမှပဲ Isabel ဟာပထမဆုံး စဉ်းစားဖြစ်ပါတော့တယ်။

Ralph ဆုံးသွားပြီးတဲ့နောက်မှာ အရင်က သူ့ကို လက်ထပ်ခွင့်တောင်းဖူးတဲ့ သူဋ္ဌေးသားက Gilbert ဆီကိုပြန်မသွားဖို့ သူ့ကိုလက်ထပ်ပြီး အင်္ဂလန်မှာပဲနေဖို့ ပြောပါတယ်။ Isabel က သူဋ္ဌေးကို လည်းလက်မခံ Gilbert ဆီပြန်သွားတာလည်း မပြနဲ့ ကြည့်တဲ့ သူတွေကို ကြိုက်သလို တွေးစေဖို့ "ဒီအတိုင်းပဲ" ရပ်ထားပြီး ဇာတ်လမ်းဆုံးသွားပါတယ်။

ဇာတ်လမ်းကဆုံးသွားပေမယ့် အတွေးတွေက မဆုံးသေးပါဘူး။ "သွားမပါချင်နေ၊ ကားပါရင်တော်ပြီ" ဆိုပြီး ချမ်းသာတဲ့ ယောက်ျားရဖို့ ကြိုးစားတဲ့ အကြောင်း ရုပ်ရှင် ဇာတ်လမ်းတွေ အများကြီးပါ။ ငွေနောက်လိုက်ရင်း ဒုက္ခရောက်ရတဲ့ အကြောင်းတွေလည်း ကြည့်ဖူးပါ တယ်။ Freedom နောက်ကို လိုက်ရင်း Freedom ဆုံးရှုံး ရတဲ့ အဖြစ်တော့ မှတ်မှတ်ရရ သိပ်မရှိလှဘူး။

The portrait of a lady ကို ကြည့်ပြီးတဲ့ အခါမှာတော့ ငွေမက်တဲ့ သူတွေနဲ့ လွတ်လပ်မှု မက်တဲ့သူ တွေကို ယှဉ်တွေးကြည့်မိတယ်။ ဘာများ ကွာလို့လဲနော်။ တစ်စုံ တစ်ခုကို ရူးရူးမူးမူး လိုချင်မိတဲ့ အခါ ကိုယ်လိုချင်တဲ့ အရာကလွဲပြီး ဘာကိုမှ မကြည့်တော့ဘူး။ ကိုယ်လိုချင်တဲ့ အရာကို ကြည့်ပြန်တော့ လည်း အမှန်အပြင် စိတ်ကူးနဲ့ ဖြည့်စွက် ကြည့်တတ်သေးတယ်။ အိမ်ထောင်ပြုတာမှ မဟုတ်ပါဘူး။ စီးပွားရေး လုပ်တာကအစ ပစ္စည်း တစ်ခု ၀ယ်တာအထိ တစ်ခါတစ်ခါ ဒီထောင်ချောက်ထဲကို ကျတတ်ကြတာပါဘဲ။

ကိုယ်လိုချင်တာကို ရှာဖွေရင်း မောဟ ထောင်ချောက်ထဲ မကျရအောင် သတိရှိဖို့ အရေးကြီး လှပါလားနော်။